Զարգանում է հոդերի բաց թափանցող կամ փակ վնասումներից։ Լինում է`

1. թարախային (տե՛ս «Թարախային սուր արթրիտ») 
2. շճային։

Երեխաների և հատկապես սպորտով զբաղվող դեռահասների մոտ առավել հաճախ են հանդիպում հոդերի փակ վնասումներ, որոնց հետևանքով կարող են զարգանալ հետվնասվածքային շճային հոդաբորբեր (սինովիտ), գերազանցապես ծնկային, սրունք-թաթային, հազվադեպ՝ արմնկային հոդերում։

Կլինիկան։ Ծնկային հոդի վնասվածքային սինովիտի ընթացքը բարորակ է։ Երեխաների հոդերում բորբոքային հեղուկի նկատելի կուտակում և հոդային հյուսվածքների խիստ լարվածություն չի լինում։ Մեծ մասամբ նշվում է ցավոտություն և ցավեր՝ ֆիզիկական ծանրաբեռնումների ժամանակ։ Երեխաների ու անչափահասների սրունքթաթային հոդի ձուսպապատյանի բորբոքումը հաճախ զարգանում է կապանային ապարատի գերձգման հետևանքով։ Ձուսպապատյանի բորբոքումն այդ հոդում ուղեկցվում է ցավով, որը սովորաբար ծագում է ոտնաթաթի կրկնակի ոլորումների հետևանքով՝ մեծ ծանրաբեռնումներից կամ ցատկումներից հետո։ Վնասման տեղում նկատվում է փափուկ հյուսվածքների արտահայտված ուռածություն, ցավոտություն։

Չնայած հետվնասվածքային սինովիտի բարորակ ընթացքին, բուժումն անհոաժեշտ է, քանի որ կարող է բարենպաստ պայմաններ ստեղծել այլաձևող արթրոզի վաղ զարգացման համար։

Բուժումը։ Թերծանրաբեռնում, քայլքի սահմանափակում, լրացուցիչ հենարան (ձեռնափայտ), ցավազրկողներ (անալգետիկներ), կորտիկոստերոիդների ոչ մեծ դեղաչափերով ներհոդային ներարկումներ։

Կլինիկական մանկաբուժություն
Վ.Ա. Աստվածատրյան
Տեղեկատվություն. med-practic.com