Կարդալուց հետո դուք կկարողանաք.

• Բացատրել, թե ինչու են կյանքի համար վտանգավոր կրծքավանդակի, որովայնի և կոնքի վնասվածքները։
• Ճանաչել կրծքավանդակի, որովայնի և կոնքի վնասվածքների նշանները։
• Ցուցաբերել անհրաժեշտ առաջին օգնություն կրծքավանդակի, որովայնի և կոնքի վնասվածքների դեպքում։
• Ընդունել համապատասխան որոշում, երբ անհրաժեշտ է օգնություն ցուցաբերել կրծքավանդակի, որովայնի կամ կոնքի վնասվածքներունեցող տուժածին:

Մինչ այս ձեզ անհրաժեշտ են գիտելիքներ մարմնի կենսական համակարգերի վերաբերյալ (տե'ս "ՄԱՐՄՆԻ ՀԱՄԱԿԱՐԳԵՐ")։ Դուք պետք է գիտենաք նաև փափուկ հյուսվածքների և ոսկրամկանային համակարգի վնասվածքների նշանները և այդ դեպքերում ցուցաբերվող առաջին օգնության քայլերը (տե'ս "ՎՆԱՍՎԱԾՔՆԵՐ ՓԱՓՈՒԿ ՀՅՈՒՍՎԱԾՔՆԵՐԻ", "ՈՍԿՐԱՄԿԱՆԱՅԻՆ ՀԱՄԱԿԱՐԳԻ ՎՆԱՍՎԱԾՔՆԵՐ")։

Կրծքավանդակի, որովայնի և կոնքի վնասվածքները հաճախ են հանդիպում ճանապարհատրանսպորտային պատահարների, սպորտային խաղերի և մարզումների, զինված ընդհարումների ժամանակ և այլն: Այս վնասվածքները հիմնականում լուրջ են (կոտրվածքներ, թափանցող վերքեր կամ ներքին օրգանների վնասվածքներ) և կարող են հանգեցնել ուժեղ արյունահոսության, շոկի, շնչառության խանգարումների և այլն։ Այդ իսկ պատճառով շատ կարևոր է ժամանակին ճանաչել կրծքավանդակի, որովայնի և կոնքի վնասվածքները և ցուցաբերել անհրաժեշտ առաջին օգնություն։

Տե'ս ԿՐԾՔԱՎԱՆԴԱԿԻ ՎՆԱՍՎԱԾՔՆԵՐ

ԿՈՂԵՐԻ ԿՈՏՐՎԱԾՔՆԵՐ

ԿՐԾՔԱՎԱՆԴԱԿԻ ԲԱՑ ՎՆԱՍՎԱԾՔՆԵՐ

Տե'ս ՈՐՈՎԱՅՆԻ ՎՆԱՍՎԱԾՔՆԵՐ

ՈՐՈՎԱՅՆԻ ՓԱԿ ՎՆԱՍՎԱԾՔՆԵՐ

ՈՐՈՎԱՅՆԻ ԲԱՑ ՎՆԱՍՎԱԾՔՆԵՐ

ՈՐՈՎԱՅՆԻ ԲԱՑ ՎՆԱՍՎԱԾՔՆԵՐ ՆԵՐՔԻՆ ՕՐԳԱՆՆԵՐԻ ԱՐՏԱՆԿՈՒՄՈՎ

Տե'ս ԿՈՆՔԻ ՎՆԱՍՎԱԾՔՆԵՐ

ԿՈՆՔԻ ԿՈՏՐՎԱԾՔՆԵՐ

ԱՄՓՈՓՈՒՄ

Կրծքավանդակի, որովայնի և կոնքի վնասվածքները կարող են լինել լուրջ։ Դրանք կարող են ուղեկցվել փափուկ հյուսվածքների, ոսկրերի և ներքին օրգանների վնասվածքներով։ Այս վնասվածքներից շատերը կարող են նկատվել միայն որոշ ժամանակ անց, երբ տուժածի վիճակը սկսում է ծանրանալ։ Ուշադիր եղեք, որպեսզի հայտնաբերեք լուրջ վնասվածքների նշանները։

Սկզբում վերացրեք կյանքին սպառնացող պայմանները, հետո միայն ցուցաբերեք վնասվածքներին հատուկ անհրաժեշտ, լրացուցիչ օգնություն։ Կրծքավանդակի թափանցող վերքի և որովայնից ներքին օրգանների արտանկման դեպքում ըստ հնարավորության օգտագործեք վիրակապման հատուկ եղանակներ։ Անհրաժեշտության դեպքում հնարավորինս շուտ ահազանգեք շտապ օգնություն։

Առաջին օգնության հիմունքներ (Ինչպես գործել արտակարգ իրաիճակներում)
ՀԱՅԿԱԿԱՆ ԿԱՐՄԻՐ ԽԱՉԻ ԸՆԿԵՐՈՒԹՅՈՒՆ
Տեղեկատվություն. med-practic.com