Բաղադրությունը

Ջուր` 83-87%, 8-10% ճարպ, վիտամիններ. 900 մգ` C, 11-12 մգ` A, 0,2-0,3 մգ` B1, 0,5-0,6 մգ` B2, 0,7-0,8 մգ` B6, 14-3 մգ` E, օրգանական թթուներ, մակրո-, միկրոէլէմենտներ: Սերմերի մեջ կա մինչև 12% յուղ, կարոտին, տոկոֆերոլ:

Կիրառությունը

Ջրաթուրմը, հյութը լավ ազդեցություն են թողնում աղեստամոքսային տրակտի հիվանդությունների դեպքում:

Չիչխանի յուղը շատ արժեքավոր դեղամիջոց է, այն կարելի է խմել սոված վիճակում, օրական 2-3 անգամ, ուտելուց 30-40 րոպե առաջ, 1 թեյի գդալով` հյուծվածության, ուժասպառության, աթերոսկլերոզի, սրտի հիվանդությունների, 12-մատնյա աղու խոցի, քաղցկեղի դեպքում:

Կարելի է քսել նաև մաշկային վերքերին, խոցերին, ցրտահարված տեղամասերին, օգտագործել գինեկոլոգիական պրակտիկայում:

Պտուղների կեղևը, սերոտոնինի բարձր պարունակության շնորհիվ, օժտված է հակաուռուցքային ակտիվությամբ:

Պտուղների օգտագործման լավագույն եղանակը թարմ վիճակում օգտագործելն է, որովհետև ջերմային մշակման ենթարկվելուց վիտամինները կորցնում են ակտիվությունը: Կարելի է նաև օգտագործել հետևյալ կերպ. ճյուղերից առանձնացրած, լվացած և ջրաքամված պտուղներն անցկացրեք մսաղացով (կամ հյութաքամիչով), ստացված զանգվածին ավելացրեք 2 անգամ շատ շաքարավազ կամ մեղր, որպեսզի չթթվի, 2 օր ժամանակ աո ժամանակ խաոնելով լուծեք շաքարը կամ մեղրը (գերադասելի է մեղր), և, լցնելով բանկաների մեջ ու ծածկելով բերանները, պահեք մութ ու հնարավորին չափ սառը տեղ: Աշնանն այս եղանակով պատրաստված չիչխանն ամբողջ ձմեռ ձեզ համար բազմաթիվ վիտամինների, օրգանական միացությունների արժեքավոր աղբյուր կլինի: Այս զանգվածից առավոտյան վերցրեք 1 ճաշի գդալ, լուծեք 1 բաժակ ջրի մեջ և խմեք ամբողջը` կորիզներով, պտղակեղևով:

Եթե աշնանն այդ զանգվածը պատրաստելու ընթացքում դուք հյութաքամիչ եք օգտագործել և առանձնացրել եք կորիզներն ու պտղակեղևը` հյութից, կարող եք հյութը միայն վերցնել վերը նշված եղանակով` բազմավիտամինային պաշար պատրաստելու համար, իսկ կորիզներն ու թեփն օգտագործել` յուղ ստանալու համար: Դա արվում է հետևյալ կերպ. թեփն ու կորիզները փռեք բարակ շերտով ու չորացրեք, կարելի է օգտագործել գազօջախը, միայն թե պետք է հետևել, որ զանգվածր չխարկվի ու չվառվի, շուտ-շուտ խառնեք: 4-5 օր հետո, երբ կորիզներն ու թեփը չորացել են, այդ ամբողջն աղացեք հնարավորին չափ մանր: Ստացված ալյուրի մի մասը պահեք` կենցաղում որպես համեմունք օգտագհրծելու համար, այդ ալյուրը թթվաշ համ ունի և շատ օգտակար է, կարող եք խառնել տարբեր ճաշերի, սալաթների հետ և ուտել: Մնացած մասը լցրեք 2-3 լիտրանոց բանկայի մեջ` վրան ավելացրեք մինչև 50° տաքացրած ձեթ (ցանկալի է ձիթապտդի), խաոնեք և պահեք, ամեն օր լավ խաոնելով: Ձեթը պետք է վերցնել չիչխանի ալյուրից 2-3 անգամ շատ: 20-25 օր հետո դուք կունենաք չիչխանի յուղ:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ԼՈՒՐԵՐ

Չիչխանը (օբլեպիխա) ժողովրդական բժշկության մեջ