Բաղադրությունը

Ջուր` 94-96%, ազոտային նյութեր` 0.5-0.65%, ճարպեր` 0.9-0.12%, բջջաթաղանթ` 0.2-0.35%, մոխրացող նյութեր` 0.2-0.3%, շաքարներ` 1.5-17%, վիտամին С` 10-40 մգ (ինչպես միշտ` 100 գ քաշի հաշվարկով), В խմբի վիտամիններ, 0.1-0.12 մգ վիտամին Е, 16 մգ կալցիում, 118 մգ կալիում, 13 մգ մագնեզիում, 12 մգ ֆոսֆոր, 1 մգ երկաթ, պղինձ, ցինկ:

Կիրառությունը

Սիջնադարի բժիշկները սեխին վերաբերվել են թշնամաբար, համարելով, որ այն խափանում է սպիների գործունեությունը:

Վրացիները սեխն օգտագործում են լուծի դեմ:

Ֆոն Սվիտենը սեխը տվել է ցինգայի, մելանխոլիայի, հոգեկան հիվանդությունների, իսկ Բորելը` արագընթաց թոքախտի դեպքում:

Պեկենը սեխը հանձնարարել է բորբոքային, տենդային պրոցեսների, ջերմությունը իջեցնելու և ծարավը հագեցնելու համար:

Սեխն օգտագործում են նաև նյարդային համակարգը հանգստացնելու, ռևմատիզմի, պոդագրայի դեպքում: Սերմերի ջրաթուրմն օգտագործում են որպես միզամուղ և երիկամները բուժող միջոց: Սեխի եփուկն ունի կոսմետիկական արժեք` մաշկի տարբեր դեֆեկտների վերացման միջոց է (քսելու եղանակով):

Մեծ քանակով սեխի ընդունումը կարող է հանգեցնել լուծի: Ամիրդովլաթը գրում է, որ եթե սեխը տրորվի ու թրջոց դրվի` աչքի ուռուցքին կօգնի: Այն առատացնում է մեզը` մաքրելով երիկամները քարերից, դադարեցնում է թարախային արտազատություններր: Սերմերից ճզմումով ստացված յուղն օգնում է միզատար ուղիների խոցի բուժմանը, նորմալացնում է դեմքի գույնը, բուժում վիտիլիգոն, տենդը: Կեղևների եփուկով ոտքերը լվանալը վերացնում է ցրտահարությունից առաջացած ոտքերի ուռածությունը: Վիտիլիգոյի բուժմանը նաև նպաստում է տրորված պտղի քսելը: Սեխի հետ արգելվում է ուտել ձու և կաթնամթերք:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

Մեղրի պես քաղցր սեխը

ԼՈՒՐԵՐ

1. Սեխը օգտակար է սթրեսի դեմ
2. Ինչպես պատրաստել սեխի և ձմերուկի մուրաբաներ