Բաղադրությունը

Ջուր` 85-88%, ազոտային նյութեր` 1.4-2.6%, ճարպեր` 0.1%, էքստրակտային նյութեր` 7.5-9.5%, բջջաթաղանթ` 1.5-1.8%, մոխրացող նյութեր` 1-1.2%, ֆերմենտներ, վիտամիններից` В, С (10-20 մգ):

Կիրառությունը

Հիպոկրատը բողկն օգտագործել է թոքային հիվանդությունների, ջրգողության դեպքում, Դիոսկորիդը` տեսողության ուժեղացման, հազի հանգստացման համար: Պլինիուսը համարում է, որ բողկը հալեցնում է քարերը, դադարեցնում արյունաթքությունը, շատացնում կաթնարտադրությունը, կանխում արյունազեղումը:

Ռուսական բժշկության մեջ ընդունված էր բողկի հյութով բուժել թոքախտը, քարային հիվանդությունները, ռևմատիզմը (100-400 գր` օրական):

Բողկը կարելի է տրորել, խաոնել մեղրին 1:1 հարաբերությամբ և ստացված հյութը խմել վերոհիշյալ հիվանդությունների դեպքում, կարելի է նաև դրանով մշակել թարախոտ վերքերն ու խոցերը:

Ուոքերը խորհուրդ է տալիս օգտագործել նաև տերևների հյութը: Ընդհանրապես մեծ քանակներով հյութը դժվար է խմել, այն հանձնարարվում է խառնել գազարի հյութի հետ: Այդ խառնուրդը, նրա տվյալներով, նպաստում է ներքին օրգանների լորձաթաղանթի վերականգնմանը, մաքրում է օրգանիզմը լորձի կուտակումներից:

Ըստ Ամասիացու հյութը մաքրում է աչքերը, նրանց փայլ է տալիս, սերմերը նպաստում են ձայնի բացվելուն, կաթի առատացմանը: Բողկը նպաստում է ընդունած սննդի մարսմանը, լյարդի խցանման անհետացմանը: Մեղրի հետ խաոնած վիճակում բուժում է չարորակ խոցերը, ջրգողությունը: Եթե կարիճի խայթոցից անմիջապես հետո բողկ ուտեք, կոչնչացնի թույնը: Բողկը նաև նպաստում է մազերի աճին` ներքին ընդունման ձևով:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

Բողկ

Բողկը ժողովրդական բժշկության մեջ

Սեւ բողկը՝ օրգանիզմի սանիտար