Ս.Վ.Մալայանի անվ. Ակնաբուժական Կենտրոնի (ԱԿ) “Նորագույն ախտորոշման և լազերային բուժման” բաժանմունքի տեխնիկական սպառազինումը հերթական անգամ թարմացվեց արդի նորագույն սարքավորումներով “Վարդանյաններ” հիմնադրամի աջակցությամբ:

Նոր ձեռք բերումներից ամենանշանակալին ամեիկյան Ալկոն ընկերության արտադրության
‘’Allegro Oculyzer’’ աբերոմետրիկ վերլուծության եռաչափ համակարգն է:

Վերջինս եղջրենու տոպոգրաֆիայի հետազոտման ամենաժամանակակից սարքավորումն է, որը թույլ է տալիս իրագործել LASIK վիրահատությունը անհատականացված աբլյացիայի եղանակով :

Եռաչափ վերլուծության վրա հիմնված պտտվող չափիչ տեսախցիկի միջոցով ձևավորվում է աչքի կենտրոնի կետային  մոդելը (մատրիցան):Աչքի պատկերը ստացվում է մինչև 2 վրկ ժամանակահատվածում , ընդ որում աչքի ցանկացած ոչ կամային շարժումը ֆիկսվում է և շտկվում: ’Allegro Oculyzer’’-ը իրականացնում է չափումը և վերլուծությունը 25000-50000 կետերում, ինչը երաշխավորում է աչքի առաջային խցիկի եռաչափ մոդելի ճշգրիտ պատկերը:
‘’Allegro Oculyzer’’ը թույլ է տալիս իրականացնել.

•  Աչքի առաջային խցիկի լայն շարք հիվանդությունների ախտորոշում
• Եղջրենու տարբեր վնասվածքների և հիվանդությունների՝ այդ թվում և կերատո-կոնուսի (նրա պաթոլոգիկ   I շրջանի գրանցման աննախադեպ հնարավորություն,ինչը շատ կարևոր է, քանի որ կերատոկոնուսը աշխարհագրական ախտահարում է Հայաստանի համար) ախտորորշում և մոնիտորինգ
• Եղջրենու վրա իրագործվող վիրահատությունների մինչվիրահատական ամբող-ջական հետազոտությունը (ռեֆրակցիոն վիրահատություն, անհատականացված աբլյացիա, վիրահատություններից հետո եղջրենու վիճակի հսկողություն)
• Այնպիսի տարածված և վտանգավոր հիվանդության , ինչպիսին է գլաուկոման ախտորոշում և մոնիտորինգ
• Կատարակտայի ախտորոշում և մոնիտորինգ
• Ներակնային ճնշման տոնոմետրիկ արժեքների շտկում եղջրենու անհատական հատկություններց ելնելով
• Ներակնային ոսպնյակների հաշվարկ LASIK տարած հիվանդների համար

Վեռոնշյալ ցանկը խոսում է սարքի բացառիկ բազմաբնույթ հնարավորությունների մասին:

WaveLight Oculyzer II սարքավորումը վիրաբույժին ընձեռում է նոր մակարդակի ախտորոշիչ տվյալներ:Այս կատարելագործված համակարգը նախատեսված է եղջրենու ամբողջական տոպոգրաֆիկ պատկերի ստացման (ինչպես առաջային այնպես էլ հետին մակերեսների), ողջ առաջային խցիկի երկրաչափական չափումների և վերլուծության  համար: Այն ավելի անվնաս է դարձնում ռեֆրակցիոն վիրահատությունը :

Բարձր թողունակության տեսախցիկը պտտվելով աչքի շուրջ  կատարում է չափում ավելի քան 25000 կետերում:Այդ տվյալների հիման վրա ստեղծվում է աչքի եռաչափ մոդել, որը պարունակում է ախտորոշիչ ինֆորմացիայի առավելագույն ծավալ:Այնուհետև այդ տվյալները փոխանցվում են WaveLight էքսիմեր լազերի համակարգ՝ տոպոգրաֆիկ տվյալների հիման վրա անհատականացված ռեֆրակցիոն շտկման համար: