Նեյրովիրաբուժության բաժանմունքը զբաղվում է կենտրոնական և ծայրամասային նյարդային համակարգի, ողնաշարի ոսկրերի և գանգի փափուկ հյուսվածքների ուռուցքային, անոթային, վնասվածքային, դեգեներատիվ և բորբոքային հիվանդությունների, զարգացման արատների բուժման հարցերով: Հիվանդների բուժումն իրականացվում է համաձայն ընդունված եվրոպական և ամերիկյան մեթոդների և չափանիշների:

Բաժանմունքում իրականացվում է հետևյալ հիվանդությունների վիրահատական բուժում.

• գլխուղեղի և ողնուղեղի ուռուցքներ,
• հիպոֆիզի (մակուղեղի) ուռուցքներ (նաև ներքթային ներթափանցում),
• ծայրամասային նյարդերի ուռուցքներ,
• գլխուղեղի և ողնուղեղի վնասվածքային ախտահարումներ,
• ծայրամասային նյարդերի վնասվածքային ախտահարումներ,
• գանգի ոսկրերի և ողնաշարի վնասվածքային ախտահարումներ,
• գլխուղեղի և ողնուղեղի անոթների անևրիզմաներ (զարկերակալայնանքներ), զարկերակաերակային թերձևավորումներ, քներակախոռոչային բերանակցումներ,

• գանգի և գլխուղեղի զարգացման բնածին արատներ,
• հիդրոցեֆալիա,
• գլխուղեղի և ողնուղեղի թարախային և մակաբուծային հիվանդություններ,
• միջողնային սկավառակների (աճառների) դեգեներատիվ ախտահարում,
• էպիլեպսիա,
• գլխուղեղի վիրահատություններ էնդոսկոպիկ եղանակով:

Բաժանմունքի բոլոր աշխատակիցները բազմիցս վերապատրաստվել են Եվրոպայի, ԱՄՆ-ի և Ռուսաստանի առաջատար նյարդավիրաբուժական կլինիկաներում:

Նյարդավիրաբուժության բաժանմունքի վարիչ` բ.գ.թ Քալայջյան Անդրոնիկ Իշխանի

Ա.Ի. Քալայջյանը նյարդավիրաբույժների հայկական միության անդամ է,
ՀՀ վաստակավոր բժիշկ, «Դրաստամատ Կանայան» և «Ֆ. Նանսեն» շքանշանների ասպետ