Ամբուլատորիայի աշխատանքը մեկնարկել է 2010  թվականի հունվարի մեկից: «Առողջապահական ծրագրերի իրագործում» կազմակերպությունն է կառուցել շենքը: Նախկինում Կառփի ամբուլատորիա է համարվել: Բացման օրվանից ամբուլատորիայում աշխատում են 3 բուժքույրեր, ստոմատոլոգ և մասնագիտությամբ էնդոկրինոլոգ, ամուլատորիայի տնօրեն Կարմեն Հովհաննիսյանը: Ամբուլատորիան ապահովում է ընտանեկան բժշկության ծառայությունը, որը ներառում է մինիմալ լաբորատոր հետազոտություններ, մեզի, արյան ընդհանուր և բիոքիմիական հետազոտություններ: Կատարվում է նաև  խոլեսթերինի մակարդակի որոշում:

2015 թվականից նախատեսվում է ամբուլատորիայում ընդլայնել բիոքիմիական հետազոտությունների ծավալը, քանի որ ձեռք է բերվել բիոքիմիական կիսամեքենայացված անալիզատոր:

Ամբուլատորիան աշխատում է Մարդասիրական օգնության հանրապետական կենտրոնի հետ, որն ապահովում է ամբուլատորիան դեղորայքով և բժշկական նշանակության պարագաներով: 

Worldvision կազմակերպության հետ համատեղ կազմակերպվում են սեմինարներ, խորհրդատվություններ, որոնցից հիանալի օրինակ է կրծքի հասակի երեխաների սնուցման վերաբերյալ երիտասարդ մայրերին խորհրդատվությունը:

Ամբուլատորիան համագործակցել է նաև «Ancor»  ընկերության հետ, որը սեմինարներ, վարպետության դասեր է կազմակերպել ամբուլատորիայում՝ տարբեր մասնագետների մասնակցությամբ: Նրանց օգնությամբ կատարվել են նաև մի շարք հետազոտություններ և ընկերության կողմից հետազոտություն անցած հիվանդներին տրամադրվել են դեղամիջոցներ: