Հարգելի Anna, բարև Ձեզ: Դուք չեք նշել ինչ վիրայհատություն է կատարվել, եթե արգանդը չի հեռացվել, չի բացառվում, որ նշած արտադրությունը արգանդի խոռոչից է: Քաղցկեղի կապակցությամբ կատարված վիրահատությունից հետո, անգամ, եթե մետաստազներ չեն եղել, հարկավոր է լինել ուռուցքաբանի դիսպանսեր հսկողություն տակ, ամենաքիչը վեց ամիսը մեկ հետազոտվել: Հարկավոր է դիմել վիրահատող բժշկին:

Հարգելի ANUSH, բարև Ձեզ: Արգանդի պարանոցի էրոզիայի բուժում սոլկովագինով կատարվում է հիմնականում չծմմդաբերած կանանց մոտ: Բուժման էֆեկտիվությունը բարձր է, և ստացվում է կայուն էֆեկտ: Արգանդի պարանոցի էրոզիան չի խանգարում հղիանալուն: Բուժման ընթացքում չի կարելի հղիանալ, իսկ բուժումից հետո միանշանակ կարելի է, դա ոչնչով չի խանգարում:

Հարգելի Hasmik, բարև Ձեզ: Ձեր գրածից կարելի է ենթադրել, որ վիրահատության ժամանակ չեն հեռացվել հավելումները, այսինքն ձվարանները և արգանդափողերը: Եթե ըստ պաթոհիստոլոգիայի հայտնաբերվել է նաև էնդոմետրիումի քաղցկեղ, միանշանակ հարկավոր է նաև հեռացնել հավելումները: Այսինքն երկրորդ վիրահատության կարիքն ամեն դեպքում կա: Բացի այդ հնարավոր է նշանակվի քիմիոթերապիա:

Հարգելի Hasmik, բարև Ձեզ: Դուք նախորդ հարցում նշել եիք, որ չարորակ նորագոյացությունը եղել է արգանդի վզիկում: Խնդրում եմ ավելի հստակ գրեք: Եթե հեռացվել է արգանդը, վզիկի և հավելումներ հետ միասին, այսինքն այլ վիրահատության կարիք չկա: Բացի այդ նշված է, որ մետաստազ չկա, դա շատ լավ է: Հետագա ճառագայթային բուժումն այս դեպքում ցուցված է: 

Հարգելի Hasmik, բարև Ձեզ: Եթե վիրահատությունից հետո առաջարկվել է ճառագայթային բուժում, ուրեմն խոքը չարորակ նորագոյացության մասին է: Հիվանդության ելքը կախված է ուռուցքի տարածվածության աստիճանից, մետաստազների առկայությունից: Եթե կա հյուսվածքաբանական հետազոտության պատասխանը կամ վերջնական ախտորոշումը, կարող եք գրել, կփորձենք օգնել Ձեզ:

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

Հարգելի Աշխեն, բարև Ձեզ: Եթե տվյալ հետազոտությունը կատարվում է պոլիկլինիկայում պետպատվերի սահմաններում, կատարվում է հենց պոլիկլինիկայում: Այլ դեպքերում պոլիկլինիկան պարտավորություն չունի վճարելու այլ բժշկական հիմնարկությունում կատարվող անալիզի համար: Դա վճարում է անհատը, ապահովագրական ընկերությունը` եթե սոց-փաթեթի շահառու եք, և փաթեթում ներառված է տվյալ ծառայությունը, կամ, եթե կան արտոնություններ` պետությունը: 

Հարգելի Marine, քանի որ համոզված լինել չի կարելի, որ ուռուցքային բջիջներ այնուամենայնիվ մնացած չեն լինի օրգանիզմում, ճառագայթային բուժումը ցուցված է, ուռուցքի մետաստազներից խուսափելու համար:

Հարգելի Marine, բարև Ձեզ: Արգանդի վզիկի ուռուցքի T1N0M0 ստադիայի դեպքում կանխատեսումը բավականին լավ է, քանի որ կա ինվազիա մկանային հյուսվածք մոտ 0.7 սմ, այն արդեն դասվում է T1b1 աստիճանին, որի դեպքում ըստ գրականության ցուցված է` արգանդի էքստիրպացիա, տեղամասային ավշային հանգույցների հեռացում, որը պետք է զուգակցվի  տեղային ճառագայթային թերապիայով, չի բացառվում, որ գոնե մեկ ուռուցքային բջիջ մնացած չլինի օրգանիզմում, իսկ ճառագայթային բուժումը ուղղված է այդ բջիջների ոչնչացմանը:  

Հարգելի Marine, ըստ Ձեր ներկայացրած տվյալների, Ձեր մայրիկի մոտ առկա է արգանդի պարանոցի տափակ-բջջային եղջերացող քաղցկեղ: Անհրաժեշտ է անհապաղ ստանալ բուժում, որը այս դեպքում ենթադրում է առաջին հերթին վիրահատական միջամտություն: Իսկ ճառագայթային թերապիայի անհրաժեշտությունը որոշում է բուժող բժիշկը հաշվի առնելով ուռուցքի տարածվածությունը:

Հարգելի GEV, բարև Ձեզ, (հուսով ենք հարացդրման հեղինակը կին է), նման դեպքում պետք է անհապաղ դիմել մասնագետի խորհրդատվության: