Հարգելի Գ, բարև Ձեզ: Բուժման համար հարկավոր է դիմել մաշկաբանի: Հարկավոր է ստուգել մարդու պապիլոմավիրուսի առլայությունը, դրա շտամը: Գորտնուկները հիմնականում հեռացվում են լազերի միջոցով, բուժումը հարկավոր է զուգակցել հակավիրուսային և իմունոմոդուլյատոր միջոցների հետ:

Հարգելի Lusy, բարև Ձեզ: Նախ պետք է համոզվել, որ իսկապես գործ ունենք գորտնուկների հետ: Գորտնուկների տարածումը եղունգների տակ, այնքան էլ տիպիկ չէ, միգուցե այլ բան է: Բացի այ գորտնուկների դեպքում "Супер чистотел"-ի օգտագործումը փորձված և արդյունավետ միջոց է: Ցանկալի է դիմել մաշկաբանի համար պարզելու համար, թե կոնկրետ ինչ խնդիր է երեխայի մոտ:

Հարգելի Ֆ, "Супер чистотел" հեղուկը հարկավոր է օգտագործել 5 օր, որից հետո կնկատեք, որ գորտնուկի մակերեսը սևացել է, դա նշանակում է, որ պրոցեսն արդեն սկսվել է, և 2-3 շաբաթվա ընթացքում աստիճանաբար մահացած հյուսվածքը կպոկվի իր տեղը զիջելով առողջ մաշկին: Ինչ վերաբերում է գորտնուկի շուրջ եղած մաշկի կարմրելուն և թեփոտվելուն, տուփի վրա նշված է, որ ոչ մի դեպքում հեղուկը չպետք է քսվի առողջ մաշկին: Հարկավոր է օգտագործելուց առաջ գորտնուկի շուրջ քսել փափկեցնող որևէ քսուք, ցանկալի է մանկական, դա կօգնի խուսափել մաշկի չորացումից:

Հարգելի AN, պապիլոմաների կամ այլ կերպ սեռական գորտնուկների  հեռացման ամենաարդյունավետ մեթոդներն են էլեկտրոկոագուլյացիան և կրիոթերապիան: Նշված մեթոդներով պապիլոմաների հեռացումը զուգակցվում է հակավիրուսային և իմունոմոդուլյատոր միջոցների հետ, վիրուսի ակտիվությունն ընկճելու և ռեցիդիվներից խուսափելու համար: 

Հարգելի AN, մարդու պապիլոմա վիրուսով կարելի վարակվել ինչպես սեռական, այնպես էլ կենցաղ-կոնտակտային ճանապարհով` վնասված մաշկի միջոցով: Կախված, թե կոնկրետ պապիլոմավիրուսի որ շտամով է վարակված մարդը և ինչ կլինիկական ախտանիշներ կան, բուժման եղանակները տարբեր են: Սակայն պետք է նշել, որ պապիլոմավիրուսը վերջնական բուժում չունի, այն մնում է օրգանիզմում, և իմունիտոտի անկման, սթրեսային կամ այլ անբարենպաստ պայմաններում նորից կարող է արտահայտվել:

Հարգելի Ֆ, բարև Ձեզ: Գորտնուկներն առաջանում են մարդու պապիլոմավիրուսով վարակվելու դեպքում: Այս դեպքում կարող է օգնել ծիծեռնախոտը կամ  "Супер Чистотел "-ը , օգտագործման եղանակը նշված է տուփի վրա, կարող եք ձեռք բերել դեղատներից;

Հարգելի Ա, պապիլոմաների հեռացման ամենաարդյունավետ մեթոդներըն էլեկտրոկոագուլյացիան և կրիոթերապիան են, դրանք բնական է վիրուսը չեն այրում, այլ միայն պապիլոման: Նշված մեթոդներով պապիլոմաների հեռացումը զուգակցվում է հակավիրուսային և իմունոմոդուլյատոր միջոցների հետ, վիրուսի ակտիվությունն ընկճելու և ռեցիդիվներից խուսափելու համար: Ինչ վերաբերում է, արգանդի վզիկի քաղցկեղի առաջացմանը, ապա այն առաջանում է պապիլոմավիրուսի այլ շտամով վարակվելու դեպքում, և եթե կինը վարակված է պապիլոմավիրուսի այն շտամով, որն առաջացնում է պապիլոմաներ, նրա մոտ արգանդի վզիկի քաղցկեղ չի առաջանա: Եթե իհարկե առանձին վարակում չլինի վիրուսի քաղցկեղ առաջացնող շտամով:

Հարգելի Ա, հնարավոր է, որ դրանք լինեն սեռական պապիլոմաներ, լիպոմաներ և այլն: Հստակ որոշել, թե ինչ գոյացություններ են դժվար է: Տնային պայմաններում որևէ միջոց կիրառելը ցանկալի չէ, քանի որ չգիտեք ինչ գոյացության հետ գործ ունեք: Հարկավոր է դիմել մաշկաբանի: Եթե դրանք լիպոմաներ են, բնական է սեռական զուգընկերոջ առողջական վիճակը այստեղ կապ չունի: Եթե դրանք սեռական պապիլոմաներ են, ապա չնայած նրան որ փոխանցվում են սեռական ճանապարհով, պարտադիր չէ որ կինը նույնպես հիվանդ լինի: Հնարավոր է Դուք եղել եք ուղղակի վիրուսի կրող և օրգանիզմի իմունիտետի անկման պատճառով ախտանիշներն ի հայտ են եկել: Ամեն դեպքում հարկավոր է անպայման նեղ մասնագետի խորհրդատվություն: Սեռական պապիլոմաների դեպքում հարկ կլինի, որ կինը նույնպես բուժում ստանա: Քանի որ հնարավոր է, նա նույնպես վիրուսակիր է:

Հարգելի Ա, բարև Ձեզ: Միանշանակ ասել թե դա ինչ է, դժվար է: Մի փոքր անհասկանալի է, ինչ նկատի ունեք " ճյուղավորված գոյացություն" ասելով, միգուցե նկատի ունեք անհարթ եզրերով :Հարկավոր է նաև ճշտել Ձեր նշված գոյացությունները մաշկի վրա են, թե մաշկի տակ: Եթե դրանք մաշկի տակ են, միանշանակ գորտնուկ չէ: Այդ հատվածում ավելի է հավանական է սեռական գորտնուկների կամ կոնդիլոմաների առաջացումը: Քանի որ դեռ չգիտեք թե դրանք ինչ գոյացություններ են, ցանկալի չէ որևէ միջոցի կիրառումը Հարկավոր է մաշկաբանի խորհրդատվություն:

Հարգելի Մարիա, դիմեք մաշկաբանի անցեք համապատասխան հեազոտություններ, քանի որ գորտնուկները որպես կանոն վիրուսային ծագում ունեն: մաշկաբանները Ձեզ կոգնեն:

Հարգելի Kristina, նախ առաջին հերթին Ձեզ հարկավոր է դիմել մաշկաբանի, անցնել համապատասխան հետազոտություն: Հարկավոր է որոշել մարդու պապիլոմա վիրուսի գենետիկական տեսակը: Միայն դրանից հետո կարելի է մտածել դրանց հեռացման մասին:

Հարգելի Սաթենիկ, բարև Ձեզ, ծրագրային փոփոխությունների պատճառով հաղորդագրություններին հետևելը ժամանակավորապես անհնար էր դարձել, որի համար հայցում ենք Ձեր ներողամտությունը: Եթե խնդիրը մնում է հրատապ, խնդրում ենք գրել մեզ և մենք կպատասխանենք այս պահից սկսած:

Հարգելի Lucy, բարև Ձեզ, այդ հարցն ավելի տեղին կլինի ուղղել նշված կայքի ադմինիստրացիային: