Բաղադրությունը

Ջուր` 90-91%, շաքարներ` 0.7-0.9%, կիտրոնաթթու` 5-9%, ազոտային նյութեր` 0.05%, մոխրացող նյութեր` 0.2%: Պարունակում է նաև միկրո-, մակրոէլեմենտներ` 40-50 մգ, վիտամիններ` A, C, B խմբի վիտամիններ:

Կիրառությունը

Պլինուսը նշում է, որ կիտրոնը հիանալի հակաթույն է օձի խայթոցի դեմ: Ավիցեննան կիտրոնի հյութը համարել է հզոր միջոց սրտի տենդագին խփոցների և դեղնախտի դեմ: Նա հղի կանանց կիտրոն էր տալիս` սրտխառնոցների ու փսխումների դեմ:

Գիտական գրականության տվյալներով` ցիտրուսայիններն օգտակար են շաքարախտի դեպքում, և խորհուրդ չի տրվում օգտագործել կոլիտի, ստամոքսի խոցի, էնտերիտի դեպքում: Այս տվյալները ոչ բոլոր դեպքերում են համընկնում ժողովրդական բժշկության տվյալներին: Կիտրոնը կարելի է մանր կտրատել, խառնել մեղրի հետ` 1:1 հարաբերությամբ և, 1 օր պահելուց հետո, ստացված հյութը խմել օրական 1-2 անգամ` ճաշի գդալով: Այս հյութը չափազանց արժեքավոր, վիտամինային հյութ է հյուծվածության, ցինգայի, ուժասպառության դեպքում, խթանում է երեխաների աճը:

Կիտրոնի հյութը վերացնում է փորկապությունը, պարունակում է մեծ քանակով կալիում և ռուտին, որոնք վիտամին C-ի մեծ պարունակության շնորհիվ ամրացնում են արյունատար անոթները: Սա վերաբերում Է բոլոր ցիտրուսային մրգերին:

ժողովրդական բժշկությունը գտնում է, որ երիտասարդության պահպանման համար շատ օգտակար է ամեն աոավոտ` սոված վիճակում, խմել 1 թեյի գդալ կիտրոնի հյութի, 1 թեյի գդալ մեղրի և 1 թեյի գդալ բուսական յուղի խաոնուրդ:

Կիտրոնի կեղևը, որը սովորաբար դեն է գցվում, շատ օգտակար է: Նրա մեջ պարունակվում է օրգանիզմի ցիտրոնինի պահանջի 3-4 օրվա չափաքանակը: Կեղևը օգտագործեք սննդի մեջ` թեյի հետ, և ուրիշ միջոցներով:

Կիտրոնի կեղևից պատրաստված յուղը հակագրիպային միջոց է: Այն օգտակար է նաև քրոնիկական հազի բուժման համար: Պատրաստվում է հետևյալ կերպ. 1 կիտրոնը 1 րոպեով դնել շատ տաք ջրի մեջ, անցկացնել մսաղացով, խառնել 100 գ փափկեցված կարագի հետ և ավելացնել 1-2 ճաշի գղալ մեղր: Այսպիսի կարագը պահել նույն պայմաններում, ինչպես սովորական կարագը:

Ցանկացած հիվանդության դեպքում կարելի է կիտրոն օգտագործել, որովհետև վիտամին C-ի մեծ քանակությունը նպաստում է արագ բուժմանը: Կիտրոնի հյութը` ջրի հետ խմելուց, իջեցնում է բարձր ջերմությունը: Փորձը ցույց է տալիս, որ կարելի է խուսափել լնդերի և ատամների փչանալուց, եթե ամեն առավոտ ատամները մաքրվեն կիտրոնի հյութով: Դրա համար ատամի խոզանակը թրջեք ջրով ու կաթեցրեք նրա վրա մի քանի կաթիլ կիտրոնի հյութ:

Կիտրոնի հյութն օգտակար է նաև բերանի խոոոչի ու լեզվի բորբոքման, տենդի, քթից արյունահոսության, տիֆի դեպքում: Պետք է նշել, որ քիմիական ճանապարհով ստացված լիմոնաթթուն այդպիսի բուժական հատկություններ չունի:

Դոկտոր ժիարդերոն խորհուրդ է տալիս կիտրոնի հյութն ամեն 2 ժամը մեկ` ճաշի գդալով, ընդունել քրոնիկական թութքի, պոլիսերոզիտի դեպքում:

ժոբերն առաջարկում է կիտրոնի հյութը` գանգրենայի դեպքում: Բուխանը կիտրոնի կեղևն օգտագործում է պոդագրայի, ախորժակի կորստի, սկորբուտի, նյարդային հիվանդությունների դեպքում:

Գորյաինովը հյութն օգտագործում է մաշկային ցանի, պզուկների դեմ:

Շնեյդերը հաստատում է, որ հյութը նպաստում է տարբեր տեսակի ջրգողությունների բուժմանը, անգամ եթե այլևս ոչ մի դեղամիջոց չի օգնում: Ս. Կորինտելին կիտրոնով բուժում էր սուր ռևմատիզմը, պոդագրան, ստամոքսային կատարները: Նա բուժումը սկսում Էր նրանից, որ հիվանդին տալիս Էր 1 ամբողջական կիտրոն` ուտելու, և ամեն օր ավելացնում էր ևս մեկը` հասնելով մինչև 20 հատի ու դրանով ավարտում բուժման կուրսը:

Ա. Խատովերը կիտրոնի հյութն օգտագործում էր` ուրիշ դեղամիջոցների հետ, կանացի գոնոռեան բուժելու համար: Հյութն օգտագործվում էր որպես քսուք` դրանով անբարենպաստ (թթվային) միջավայր ստեղծելով հարուցիչի համար, և բարձրացնելով հյուսվածքների դիմադրողականությունը:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

1. Կիտրոն կամ անմահության ոսկե խնձոր
2. Ե´վ համեղ, և´ բուժիչ` մանդարին, խնձոր, լոլիկ, կիտրոն

ԼՈՒՐԵՐ

1. Սեզոնային փոփոխությունների ժամանակ օրգանիզմի դիմադրողականությունը անհրաժեշտ է բարձրացնել փորձված մեթոդներով
2. Ցիտրուսային կուլտուրաներն իսկական դեղ են
3. Գիտնականներ. Կիտրոնն ընդդեմ կանացի սթրեսի