Գյումրու բժշկական կենտրոնում գրիպի եւ սուր շնչառական վարակների դեմ իրականացվող ուժեղացված համաճարակային հսկողության միջոցառումներ. gyumrimc.am

Գրիպի և սուր շնչառական վարակներով հիվանդացության սեզոնային բարձրացման հետ կապված` հետագա զարգացումներից խուսափելու, ինչպես նաև` ներհիվանդանոցային վարակների կանխարգելման նպատակով  «Գյումրու ԲԿ» ՓԲԸ-ում, համաձայն ՀՀ ԱՆ 17.12.2010թ. թիվ 34-Ն հրամանով հաստատված «Հայաստանի Հանրապետությունում գրիպի և սուր շնչառական վարակների հսկողություն» ՍԿ 3.1.1-021-10 սանիտարա-համաճարակային  կանոններ և նորմերի պահանջների, 2015թ. համար կազմված է «Գրիպի և սուր շնչառական վարակների հսկողության» ՆՎՀ  ծրագիր, համաձայն որի՝ սկսած 2015թ. սեպտեմբեր ամսից, ստացիոնար ընդունված հիվանդների շրջանում իրականացվում է ամենօրյա մոնիթորինգ, Իսկ 2015թ. նոյեմբերի 9-ից ՀՀ ԱՆ ՀՎԿԱԿ ՊՈԱԿ «Շիրակ» մասնաճյուղին տրամդրվում է շաբաթական ամփոփ տեղեկատվություն՝ ՀՀ ԱՆ 24.09.15թ. թիվ 2609-Ն հրամանի հավելվածներով պահանջվող ձևաչափերով: Սկսած 2016թ. հունվարի 8-ից տեղեկատվություն տրամադրվում է ամենօրյա կտրվածքով:

Համաձայն «Գյումրու ԲԿ» ՓԲԸ-ում «Գրիպի և սուր շնչառական վարակների հսկողության» ՆՎ-ի կանխարգելման  ծրագրի, հաշվի առնելով, որ ՀՀ-ում, այդ թվում՝ Շիրակի մարզում, սեզոնային գրիպի հետ համատեղ շրջանառվում է Գրիպի H1N1  ենթատիպը և ավելացել է արձանագրվող դեպքերի քանակը, ստացիոնարում ուժեղացվել է այս խմբի վարակների նկատմամբ համաճարակաբանական հսկողությունը:  Իրականացվում են հետևյալ կանխարգելիչ միջոցառումները.

1. Առաջարկվել է ակտիվ հայտնաբերել, ախտորոշել և ժամանակին մեկուսացնել կասկածելի կլինիկական նշաններով հիվանդներին՝ կատարելով լաբորատոր-գործիքային հետազոտություններ, հիմնավորելով ախտորոշումը, անհրաժեշտության դեպքում կազմակերպել համապատասխան բուժում և խնամք՝  խորհրդակցելով վարակաբանի հետ:
2. Ուժեղացվել է ընդհանուր հիգիենիկ և հակահամաճարակային ռեժիմը, այդ թվում.

• օրական նվազագույնը 2-3 անգամ մշակվում են արտաքին մակերեսները, օգտագործելով ախտահանիչ լուծույթներ,
• հաճախակի  8-10 րոպե տևողությամբ օդափոխվում և խոնավ մաքրման են ենթարկվում հիվանդասենյակները, միջանցքները, իսկ ֆունկցիոնալ սենքերի օդը վարակազերծվում է մանրէասպան լամպերի կիրառմամբ,
• կատարվում է հոսպիտալացված հիվանդների ամենօրյա հարցում,  զննում, ջերմաչափում. բժշկական հսկողության արդյունքները գրանցվում են համապատասխան բժշկական փաստաթղթերում,
• կասկածելի դեպքերը հաշվառում են համապատասխան գրանցամատյաններւմ, կազմվում է շտապ հաղորդվում և կատարվում է օպերատիվ հաղորդում՝ սահմանված կարգով (համաձայն 35-Ն հրամանի),
• մեկուսարանի պատրաստվածության վերանայում,
• բաժանմունքներում համապատասխան ջերմային ռեժիմի ապահովման հսկողության ուժեղացում,
• բուժաշխատողների զգոնության բարձրացում, լրացուցիչ դասընթացների և սեմինարների կազմակերպում՝ գիտելիքների թարմացման և լրացման նպատկով,
• բուժանձնակազմի կողմից աշխատանքի ժամանակ միանվագ դիմակների օգտագործում, որոնք փոխվում են 3-4 ժամը մեկ անգամ և ըստ անհրաժեշտության,
• սահմանափակվել են հիվանդատեսների այցելությունները՝ մեկ հիվանդի մոտ մեկ այցելու, կրճատվել են տեսակցության ժամերը, արգելվել է երեխաների և հիվանդ այցելուների մուտքը հիվանդանոց, մուտքի դռան մոտ փակցվել է ցուցանակ՝ ուժեղացված հսկողության և սահմանփակված տեսկցության ժամերի մասին տեղեկատվությամբ,
• կատարվում են լայնածավալ քարոզչական աշխատանքներ այցելոուների, հիվանդների և բուժաշխատանքների շրջանում,
• նվազագույնի է հասցվում շփումը բաժանմունքների միջև,
• մեկուսարանում և ինչպես նաև վերապրոֆիլավորված բաժանմունքում հիվանդների առկայության դեպքում բուժաշխատողներն աշխատում են ինֆեկցիոն ռեժիմով,
• ընթացիկ ախտահանման աշատանքները իրականացվում են հիմնական մաքրման և եզրափակիչ ախտահանման աշխատանքային լուծույթներով,
• հիվանդի հետ շփված բժշկական թափոնների ճիշտ և անվտանգ վարում,
• բոլոր ինվազիվ միջամտությունների ընթացքում անհատական պաշտպանիչ միջոցների կիրառում,
• բժշկական նշանակության առարկների, սարքերի և սարքավորումների ախտահանման, նախամանրէազերծման և մանրէազերծման աշխատանքների նկատմամբ հսկողության ուժեղացում,
• ձեռքերի հաճախակի լվացում և հիգիենիկ մշակում,
• բուժաշխատողների առողջության մոնիթորինգ,
• ներհիվանդանոցային վարկի տարածման ռիսկի գնահատում,
• բուժաշխատողների շրջանում կանխարգելիչ պատվաստումների իրականացում:

Արմինե Անդրյան
«Գյումրի բժշական կենտրոն»-ի  Կլինիկական համաճարակաբան  

Հարցեր, պատասխաններ, մեկնաբանություններ