ՇՏԱԴԱ դեղագործական ընկերության կազմակերպած երեկոն բժիշկներին կտրել էր առօրյա հոգսերից

Հանրապետության բժիշկների համար հանգստյան օրը տպավորիչ էր դարձրել գերմանական ՇՏԱԴԱ դեղագործական ընկերությունը: Կ.Ս. Ստանիսլավսկու անվան ռուսական պետական դրամատիկական թատրոնում հյուրընկալվել էին բժիշկները` վայելելու կիրակի երեկոն և դիտելու «Խանումա» ներկայացումը, իսկ ընդմիջմանը մասնակցեցին ֆուրշետի, հնարավորություն ստացան զրուցելու միմյանց հետ, կիսվելու տպավորություններով: ՇՏԱԴԱ ընկերության մասին իրենց կարծիքի և միջոցառումից ստացած տպավորությունների մասին մեզ հետ զրույցում պատմեցին միջոցառմանը ներկա բժիշկներից և հյուրերից:

	Էդուարդ Համբարձումյան Հայաստանի վերարտադրողական բժշկության հայկական ասոցիացիայի նախագահ, պտղաբերության կենտրոնի տնօրեն

Հայաստանի վերարտադրողական բժշկության հայկական ասոցիացիայի նախագահ, պտղաբերության կենտրոնի տնօրեն Էդուարդ Համբարձումյան. «Շատ բարձր կարծիքի եմ ՇՏԱԴԱ դեղագործական ընկերության մասին: Համագործակցում ենք և պետք է ասեմ` շատ պտղաբեր: Դեղորայքը որակյալ է, արդյունավետ և մատչելի: Մշտապես նշանակում ենք, արդյունքն էլ` ակնհայտ է: Շատ ուրախ եմ, որ նման միջոցառում են կազմակերպել` պրակտիկորեն հնարավորություն տալով լայն շրջանակներում շփում բժիշկների հետ, փորձի փոխանակում: Գաղափարն էլ ինձ համար շատ գրավիչ էր, քանի որ 2 ամիս առաջ մեր ասոցիացիան էր նույն դահլիճում միջոցառում կազմակերպել բժիշկների համար»:

Երևան քաղաքի գլխավոր էնդոկրինոլոգ Էլզա Հայրապետյան. «Համագործակցում ենք այն պահից, երբ ընկերությունն ունեցավ իր ներկայացուցչությունը Հայաստանում և ես շատ գոհ եմ: Այն դեղամիջոցները, որոնք մենք` էնդոկրինոլոգներս, օգտագործում ենք պրակտիկայում, ռազմավարական տեսանկյունից շատ կարևոր են և արդյունավետ։ Միջոցառումն էլ նորույթ է, հետաքրքիր գաղափար է` թատրոն դիտելու առիթով գործնական աշխատանքը համատեղված է ազատ շփման հետ: Հնարավորություն ունեցանք հանդիպել գործընկերների հետ, զրուցել, մտքեր փոխանակել»:

Ռուզաննա Մաղաքյան «Նատալի ֆարմ» ընկերության ներմուծման և մոնիթորինգի բաժնի վարիչ		Ողջյունի խոսք ՇՏԱԴԱ դեղագործական ընկերության ներկայացուցչության կողմից		Էլզա Հայրապետյան Երևան քաղաքի գլխավոր էնդոկրինոլոգ

«Նատալի ֆարմ» ընկերության ներմուծման և մոնիթորինգի բաժնի վարիչ Ռուզաննա Մաղաքյան. «ՇՏԱԴԱ դեղագործական ընկերության հետ համագործակցում ենք ավելի քան 6 տարի և ընկերության բացառիկ ներկրողն ենք: Մեր համագործակցությունն ավելի ամրապնդվեց, երբ Հայաստանի Հանրապետությունում բացվեց ՇՏԱԴԱ դեղագործական ընկերության ներկայացուցչությունը: Տնօրեն Աշոտ Այվազյանի և ողջ անձնակազմի ջանքերի շնորհիվ հետզհետե ավելանում է ներկայացվող դեղերի ցանկը, ակտիվանում աշխատանքը, փոխվում ներկայացման ոճը, ձևը, ինչի վառ ապացույցն է նաև այսօրվա միջոցառումը: Գաղափարը յուրօրինակ է: Այն հնարավորություն ընձեռեց հանդիպելու թե՛ ներմուծողներին, թե՛ դեղագետներին և թե՛ բժիշկներին: Հաճելի երեկո է բոլորիս համար»:

ՇՏԱԴԱ ընկերության կազմակերպած երեկոն բժիշկներին կտրել էր առօրյա հոգսերից

«Մալաթիա» բժշկական կենտրոնի մանկաբարձական բաժնի վարիչ Սուսաննա Հակոբյան. «Իմ ամենօրյա աշխատանքային պրոցեսում ես օգտվում եմ ՇՏԱԴԱ ընկերության դեղամիջոցներից։ Արդյունքից գոհ եմ և՛ ես, և՛ իմ պացիենտները: Բավականին արդյունավետ դեղամիջոցներ է ներկայացնում ընկերությունը, որոնք նախընտրելի են, օրինակ, մեր կանանց առողջության համար: Շատ հրաշալի միջոցառում էր, ներկայացումը նույնպես ընտրված էր ճաշակով, հաջողված ներկայացումներից է: Այս ճոխ ընդունելությունը, հիանալի վերաբերմունքը թույլ է տալիս մեզ զգալ հարգված ու գնահատված: Հոգնածությունը փարատվեց, հիանալի ժամանակ ենք անցկացնում»:

ԵՊԲՀ Նյարդաբանության ամբիոնի դոկտորանտ Սամսոն Խաչատրյան. «Շատ գոհ եմ ՇՏԱԴԱ դեղագործական ընկերության դեղամիջոցներից ստացած արդյունքներից, որևէ գանգատ բուժվող հիվանդներից չենք ունեցել: Արտակարգ միջոցառում է, մեծ բավականություն ենք ստանում: Միշտ հետաքրքիր է ընկղմվել արվեստի աշխարհ` հատկապես ծանր բժշկական առօրյայից հետո»:

Սամսոն Խաչատրյան ԵՊԲՀ Նյարդաբանության ամբիոնի դոկտորանտ		Սիրանուշ Արոյան Սրտաբանության ԳՀԻ սրտաբան-գիտաշխատող		Սուսաննա Հակոբյան «Մալաթիա» ԲԿ մանկաբարձական բաժնի վարիչ

Սրտաբանության գիտահետազոտական ինստիտուտի սրտաբան-գիտաշխատող Սիրանուշ Արոյան. «Միշտ օգտվել եմ ՇՏԱԴԱ դեղագործական ընկերության դեղամիջոցներից, օգտագործել եմ անձամբ` ինքս ինձ նշանակումներ անելով, չիմանալով Հայաստանում գործող ընկերության մասին: Որակի և գնի շահեկան ներդաշնակություն է: Այսօր ՇՏԱԴԱ դեղագործական ընկերության ներկայացուցչությունն աշխատում է բարձր մակարդակով` համեմատած մի շարք այլ դեղագործական ընկերությունների: Սպասելինքերս գերացանցեց կազմակերպված միջոցառումը, շատ տպավորված եմ` այսքան բժիշկներ հավաքվել են նման հիանալի երեկոյի շրջանակներում ու կա շփման մեծ հնարավորություն: Ամեն ինչ շատ գեղեցիկ է, ջերմ մթնոլորտ` նույնիսկ առûրյա հանդիպող մարդկանց այստեղ հանդիպելիս այնպես ենք զրուցում, ասես երկար ժամանակ չենք տեսել: Բարձր տրամադրություն ունեմ, լիովին ազատվել եմ առօրյա հոգսերից, ընկերական միջավայր ստեղծելով` վայելում եմ միջոցառումը: Կցանկանայի հաճախ լինեին նման միջոցառումները»:

Ստանիսլավսկու անվան ռուսական պետական դրամատիկական թատրոնում հյուրընկալվել էին բժիշկները` վայելելու կիրակի երեկոն և դիտելու «Խանումա» ներկայացումը

Զրուցեցինք նաև ԵՊԲՀ սեքսոպաթոլոգիայի կլինիկայի բժիշկ սեքսոպաթոլոգ, սեքսոլոգիայի ամբիոնի դասախոս Վրեժ Շահրամանյանի, ԵՊԲՀ սեքսոլոգիայի ամբիոնի դոցենտ Մարատ Զաքարյանի հետ։ «Մեղմ ասած` շատ լավ կարծիքի եմ ՇՏԱԴԱ դեղագործական ընկերության արտադրանքի մասին: Առաջին անգամ եմ տեսնում նման միջոցառում, որին այսքան բժիշկներ ներկա գտնվեն: Մեր վաղեմի ծանոթներին ենք տեսնում, շփվում, ազատվում առօրյա խնդիրներից, թեթևանում», - ասաց Մարատ Զաքարյանը:

Մարատ Զաքարյան ԵՊԲՀ սեքսոլոգիայի ամբիոնի դոցենտ		Վրեժ Շահրամանյան ԵՊԲՀ սեքսոպաթոլոգիայի կլինիկայի բժիշկ սեքսոպաթոլոգ, սեքսոլոգիայի ամբիոնի դասախոս		Աշոտ Այվազյան գերմանական ՇՏԱԴԱ դեղագործական ընկերության հայաստանյան ներկայացուցչության տնօրեն

Միջոցառման խորհրդի, նպատակի մասին զրուցեցինք գերմանական ՇՏԱԴԱ դեղագործական ընկերության հայաստանյան ներկայացուցչության տնօրեն Աշոտ Այվազյանի հետ. «Նպատակը մեկն է` մեկ հարկի տակ հավաքել տարբեր մասնագիտության բժիշկների: Ի դեպ, հրավիրված են նաև Առողջապահության նախարարության աշխատակիցներ, տարբեր դեղագործական կազմակերպությունների ներկայացուցիչներ: Փորձեցինք ազատ շփման հնարավորություն տալ` հեռու աշխատանքային, մասնագիտական թեմաներից։ Մենք հրավիրել ենք մասնագետների` անկախ նրանից, համագործակցում են մեր ընկերության հետ, թե` ոչ: Նման միջոցառումները մեր ընկերության կողմից շարունակական բնույթ են կրելու, առավել ևս` տեսնելով բժիշկների կողմից գաղափարի հանդեպ պոզիտիվ վերաբերմունքը»:

Ընդմիջմանը մասնակցեցին ֆուրշետի, հնարավորություն ստացան զրուցելու միմյանց հետ, կիսվելու տպավորություններով

Հարցեր, պատասխաններ, մեկնաբանություններ